არამატერიალური მოტივაცია

უმეტესი გამოკვლევების თანახმად, სახელმწიფო მოხელეები უფრო მეტად მოტივირებულნი არიან თავისი სამუშაოს შინაარსით და იმ შესაძლებლობით, რომ საკუთარი წვლილი შეიტანონ “საზოგადოებრივ საქმეში”. ამას ხშირად „არამატერიალურ მოტივაციას“ უწოდებენ. ამიტომაც მუშაობის ხარისხის მართვის სისტემები უფრო მეტად უნდა იყვნენ ორიენტირებულნი არამატერიალურ წახალისებაზე (მაგ., თანამდებობრივი პერსპერქტივები, კვალიფიკაციის ამაღლების კურსები, დაწინაურება, შვებულებები), ვიდრე ეს წარსულში იყო. დღემდე მთავარი აქცენტი მატერიალურ სტიმულებზე კეთდებოდა (ან მატერიალური დასჯის საშუალებებზე).

Source: დემკე ქრისტოფ ევროპული საჯარო სამსახურები ტრადიციასა და რეფორმას შორის = European civil services between tradition and reform / ქრისტოფ დემკე; [მთარგმნ.: ლადო ლეკიაშვილი / რედ.: მარინა ივანიშვილი]; ტრენინგებისა და კონსულტაციების ცენტრი (CTC) - თბ.: სახ. მართვის ევროპული ინ-ტი, 2005